ಹೇಳಿ ಹೋಗು ಕಾರಣ ...

ನನ್ನ ಮನದ ಮುಗಿಲಲ್ಲಿ ಪ್ರೇಮದ ಗಾಳಿಪಟವನ್ನು ಹಾರಿಸಿ , ಅದರ ಸೊಬಗನ್ನು ನೋಡು ಎಂದು ಕಣ್ಣಲ್ಲೇ ಅಪ್ಪಣೆ ಕೊಡಿಸಿದವಳು ನೀನು.ನನ್ನಲ್ಲಿ ಪ್ರೇಮದ ಚಿತ್ತಾರ ಮೂಡಿಸಿದ ಚೆಲುವೆ ನೀನು.ಆದರೆ ಇಂದು ಗಾಳಿಪಟದಂತೆ ನೀನೂ ಆಕಾಶದಲ್ಲಿ ಲೀನವಾಗಿ ಹೋಗಿದ್ದಿಯಾ.ಅದೇನೇನು ಮಾಡಿದರು ನನ್ನಿಂದ ನಿನ್ನ ಮರೆಯಲಾಗುತ್ತಿಲ್ಲ . ಹಾಗಂತ ನಿನ್ನಿಂದ ನಾನು ಇದನ್ನು ನೀರೀಕ್ಷಿಸುವುದಿಲ್ಲ , ಹುಡುಗಿಯರೇ ಹೀಗೆ ಅಂತ ನನ್ನ ನಾನು ಸಮಾಧಾನಿಸಿಕೊಳ್ಳುತ್ತಿದೇನೆ.ಈಗ ದೇವರು ಕೂಡಾ ನನ್ನ ಸಹಾಯಕ್ಕೆ ಬಂದಿದ್ದಾನೆ ,ನನಗೆ ಸಾಕಸ್ತು ಮರೆವನ್ನ ಕರುಣಿಸಿ .ಹೀಗಾಗಿ ಅನಾಯಾಸವಾಗಿ ನಿನ್ನ ಮರೆಯಬಹುದೇನೋ , ನೀನು ಮಾಡಿದಂತೆ .ಆದರೆ ಈ ಹುಚ್ಚು ಖೋಡಿ ಮನಸ್ಸು , 'ಅವಳನ್ನು ಮರೆಯಲು ಏನಾದರು ಕಾರಣ ಕೊಡು ಎಂದು ಒಂದೇ ಸಮನೆ ನನ್ನಪೀಡಿಸುತಿದೆ , ತಪ್ಪು ನಿನ್ನದೇ' ಎಂದು ನನ್ನ ಚುಚ್ಚುತಿದೆ . ನನ್ನ ಬಾಳಿನ ಪಯಣದಲ್ಲಿ ಸಾಥ್ ನೀಡದಿದ್ದರೂ ಪರವಾಗಿಲ್ಲ ಗೆಳತಿ , ನಾನು ಬೇಡವಾದ ಕಾರಣವನ್ನಾದರೂ ಹೇಳಿಬಿಡು.


ನನ್ನದೇ ಆದ ಜಗದಲ್ಲಿ ಮುಳುಗಿದ್ದವನಿಗೆ ಪ್ರೇಮದ ಬಲೆ ಬೀಸಿದವಳು ನೀನು . ನನ್ನ ಬಗ್ಗೆ ಗೆಳೆಯರಲ್ಲಿ , " ಯಾರೀತ ... ? " ಎಂದು ಕೇಳಿ, ನನ್ನ ಬಗ್ಗೆ ತಿಳಿದುಕೊಂಡು ಸಂಭ್ರಮಿಸಿದವಳು ನೀನು .ನನ್ನವನಾಗುವೆಯಾ ಎಂದು ನೀನು ಕಣ್ಣಲ್ಲೇ ಪ್ರಶ್ನೆ ಕೇಳಿದಾಗ ನಾನು ನಗುವಿನಲ್ಲೇ ಸಮ್ಮತಿಸಿದೆ , ಆಗ ನಿನ್ನ ಕೆನ್ನೆಯ ಮೇಲೆ ಮೂಡಿದ ಡಿಂಪಲ್ ನಗೆ ನನ್ನನ್ನು ಇನ್ನು ಕಾಡುತಿದೆ ಕಣೆ . ನಿನ್ನ ದೇಹವನ್ನು ಮುಚ್ಚುತಿದ್ದ ಆ ಮುದ್ದಾದ ಚೂಡಿ, ಆ ನಿನ್ನ ಕೊಗಿಲೆದ್ವನಿ, ನನ್ನಲ್ಲಿ ಉತ್ಸಾಹ ಚಿಮ್ಮಿಸುತಿದ್ದ ಆ ನಿನ್ನ ನಗೆ , ಗೆಳತಿಯರೊಂದಿಗಿನ ಪಿಸು ಮಾತು , ಅಪರೂಪಕ್ಕೆ ನನ್ನಲ್ಲಿ ಆಡಿದ ಮಾತುಗಳು ,ನಿನ್ನ ಆಕರ್ಷಣೀಯ ನಯನ... ಒಂದೇ ಎರಡೇ ಎಲ್ಲವು ಸೇರಿ ನನ್ನ ಇಂದಿಗೂ ಕೊಲ್ಲುತಿವೆ ಕಣೆ. ಆದಸ್ಟು ಬೇಗ ನನ್ನ ಕಾಪಾಡು .


ಇತಿ ನಿನ್ನ ರಂಜು